أسامة محمد حسن يكتب: العشوائية

العشوائية التى تدار بها معركة أنفلونزا الخنازير جعلت الناس غير مطمئنين لقرارات وتعليمات وزارة صحتنا الهمامة.

الآباء، وأنا منهم، نقول لنا الله.
العشوائية فى القرارات الاقتصادية، الاجتماعية، السياسية، الكروية ماشى الحال ومش بتمّوت أحد بس بتجيب أمراض تانية وبرضك بنروح لوزارة الصحة أما الـ H1A1 (بالأجنبى) بتموّت فى الحال وإذا محدّش خد باله- وكتير محدّش بياخد باله من بعض الدكاترة طبعاً- علشان كده عايزين يطلعوا قرار عشوائى ميتحبس الدكتور لو أخطأ، لا سمح الله، يعنى صحة الناس الغلابة ربنا يسامحهم إيه اللى خلاهم يمرضوا وبلاش احنا كبرنا ومعدش لينا لازمة طيب أولادنا إيه ذنبهم؟ بعد خمس سنوات أو أكتر أو أقل أن يتشلّوا أو يعموا أو يضعفوا جنسياً لما يكبروا.

وده لو كبروا ويخلص الجيل وده على حد تعبير تقرير دكتورة أجنبية قالت هذا وقبل هذه الشائعات والفتاوى من الناس إن المصل وحش لأ المصل حلو حسب أقوال المتخصصين، و نحن إن أعطانا الله العمر هنشوف علماءنا الكرام هينتجوا أمصال ولا ايه وهينجحوا ولا ايه
وبرضوا إنتاجنا هيكون عشوائى.

المتخصصون- أنا ماعرفش لحد الآن شكله يبقى عامل ازاى المتخصص ده لأن 75 مليون مصرى متخصص- ما علينا هنعرف نحمى أرواحنا وأرواح أبنائنا ولا ايه وبترجى المتخصصين أن يراعوا الله و بلاش مكاسب كتيرة يخلوها نص نص ولا أقولكم أنا واحد من الناس أوكل أمره لله ومش هطعم أولادى الفقراء. والغلابة لكم الله.