رزق ده سواق بيجوه
ناس كتيره بيندهوه
تاكس تاكسى
عاوز الحق الاجتماع
تاكس تاكسى
عاوز أروح الراندفوه
رزق كان فى اليل بيسعى
لما دقت ساعتى تسعه
روحت أنادى وأقول يا تاكسى
جالى رزق بضحكة واسعة
تشبه البحر فى سكونه
قلت يمكن أو ما يمكن
انه بيلاغى زبونه
أصل طبع زمانا كافر
والى سافر احتمال
تكدب عيونه
بس حبه والمحبة
والسلام عالمصطفى
خلا فى الموضوع صفا
والحريص كدبت ظنونه
كلمه من عند الحسين
كلمه حالفه باليمين
إنها عاشقة البلدى
رغم كل المغرضين
سبت رزق يقول وقال
البلدى حالها حال
بس لسه فيه رجال
ما بتتقدر بمال
يعنى لسه فى آمال
فى الولاد الطيبين
قلتله عندك عيال
قالى عندى بشوى وعال
قلت يا عادرا يا حاضره
يا جمال حب النبى
هو فيه فى بلدنا باقى
غير بواقى الطيبين؟
غير محبه لا ليها
لون ولا ليها دين يا مؤمنين
هو فيه فى بلدنا باقى
إلا واحد ربه واحد؟
طبعه كان زى المسيح
قلبه عاش أبيض فسيح
زيه زى الناس جريح
ولا إيه يا مؤمنين
قلتله على جانب حاسب
والحساب شوفهولى كام ؟
قالى حاضر بس انزل
قلت طيب بس كام
قال .... عليكم السلام
واختفى وسط الزحام
* مصرى مقيم فى البرازيل
مشاركة
اضف تعليقاً واقرأ تعليقات القراء
مشاركة
