فيسبوك
واتساب
أنا بسأل سؤال واحد ومستنى تجاوبينى
أنا ولدك ومن بطنك وأخويا إللى جرح عينى
ومش من ضره أو من بره يا أم الدنيا جبتينى
ولو ولدك أخويا يعيش فى أحسابك وأنسابك وأنا فى الطل ترمينى
عشان الأب مش باشا ولا فى العيلة فيه واسطه تزكينة
مانا برده تعبت كتير ولو نقعد ونتحاسب ياريت نقعد تحاسبينى
ومين قالك يا مجهودى هنقدر على انا عايزه تودينى
دنا مشطوب من الدفتر ومش حظهر على الصفحه ولا الهامش يكفينى
دا شىء محسوب ومتقدر مين اللى واسطته أكبر ولو تدفع تساوينى
أبص لفوق على حضنك يدين ولدك تغمينى
وألاقى الحضن مش حضنى وألف صباع طرف عينى
أنا مفطوم ومن بدرى وطال صبرى ولما كبرت سبتينى
بقت كراسيكى تتورث وظلم الواسطة يدرس ومين حقى هيدينى
منيش وارث وصفحة عيلتى فى السلطة أكيد أنضف من الصينى
ومش عاوز أكون واحد من النخبة ولا عيلتى سلاطينى
ولا عايز كراسيكى ويخت لبر مراسيكى يعدينى
ولا منصب واشيل السيف وعودك ادى وش الضيف وتنسينى
ومهما جوايه كتمتى النفس وف نفسى حبستينى
أنا بعشق تراب قدمك ولو حتى كرهتينى
وحبك فى الحشا ثابت واسمك ناقشه ف جبينى
هواكى معدى فى كيانى يا معجونة بتكوينى
