فيسبوك
واتساب
من عشرين سنة
وأنا عاشق صبابة
لا عمرى حسيت بملل
ولا جاتنى فى لحظة رتابة
أقولك بحبك
تقولى خلاص الناس باعت الحب
والدنيا بقت غابة
عشرين سنة
وأنا زى ما أنا
وانتى زى ما انتى
فاضل اغنى لك ع الربابة
امتى بس تصدقى
ان الحب ممكن
وانه قادر يصلح الكون
وانه قمة العقل مش الجنون
وانه قادر ع المعجزات
بس لما فينا يسكن
آه لو نسمعه
نركز معاه ونفهمه
آه لو مرة واحدة نقدره
كنا عشنا فى سعادة
ونسينا طعم القهوة السادة
آه يا قلبى
عشرين سنة عشق
ده انت لو لاعيب كورة
كانوا صرفوا لك مكافأة إجادة
