فيسبوك
واتساب
سايق عليك النبى ماتقولش غير الله
ع الظالم المفترى وابن الحرام اياه
وكل فاسد رفع فى أرضها مبناه
وكل من كلمته فى صفحته مأساه
وكل من ثبّتك بالهيلمان والجاه
وكل من هدّها فى عزّها بغباه
وكل واحد نهب من رزقنا لغناه
وكل صاحب عمل لو ماتقاش الله
سايق عليك النبى يا محترم قول آه
وعلّى صوتك قوى ليقولوا: لأ دا معاه
نسمعها صرخة ألم مش محلسة للشاه
سايق عليك النبى تشرحلنا معناه
دستور بلاد العجم أسهل لنا نوعاه
والجنة أقرب لنا من عرشهم فى علاه
سايق عليك النبى يوم تهتدى بهداه
فى سنته ورقته ومحبته لله
* خبير اقتصادى
