القارى محمد رجب عبد الستار يكتب : مصر يا بلد الكمامة

يا سالمة مسالمة
من غير سلامة
ما شفت فيكى نسر واحد
مشاورلى بشعارك حمامة
وعود زيتون
زى أيامنا الزيتونى
أنا إن أتونى بنهر نبلك
هامشى وأسيبك
مش أجيلك
دا البث حصرى
والحبس قصرى
من مصر
من بلد.. الكمامة
مصرى أنا
أنا المصرى
أنا المصرى كريم العنصرين
بنيت المجد بين الأهرمين
الهرم الكبير دا خوفو
واللى أكبر منه خوفنا
بص شوفنا
تلقى الحقايق مرعبة
مصرك هبة
متهلبة
متقلبة
والسلطة كالأم الحنون
آه مـ الجنون
جنونى
وأنا ما عاقل
بالله ما عاقل
من عقل ولا من عقال
أهو ده سؤال
أصلى إن عقلت
كنت أتسالت
عن حدودى
عن وجودى
عن حاجات كتيرة ياما
من مصر
من بلد .. الكمامة