يرضي مين حالِك وحالنا
يلي اوجاعِك فوق احتمالنا
وبرضو لسه فيكي املنا
مش مكفي صرخه هتافنا
ولا كلامنا
ولا شجنّا
ولا حَبة وجع جوه قلوبنا
بيزيدوا ويّا شهقة نفسنا
علشان بحالك مش راضيين
طب يرضي مين
يرضي مين فجرك يشقشق
ولسه شمسك مش قادره تشرق
والعصفور مبقاش يزقزق
صوته مخنوق م الي شايفه
مش هو ده الحب الي عارفه
ولا هم دول المصريين
الطيبيين
المسلمين المسيحيين
الي بيوتهم ف حاره سد
جيران واصحاب واخوات بجد
ولا عمر شاف لخناقهم حد
م النوبه لحد راس التين
طب يرضي مين
يرضي مين ننسي المحبه
ونسب بعض بالف سبه
والفتنه تكبر حبه بحبه
وبسرعه ندخل ف الدوامه
وننسي النفس اللوامه
وننسي وقفه يوم القيامه
لما توصل لجرح الدين
طب يرضي مين
يرضي مين م الانبيا
الي نورهم كان ضيا
وعلمونا التربيه
راضي عنهم ياعيسي ؟
يابن مريم الطاهره
ده المحبه ف انجيلك
والسلام ف تراتيلك
والاخوه ف تأآويلك
راضي عنهم يا محمد ؟
نفسي اشكيلك من امتك
الي نسيوا سنتك
ارضي عنهم وعن زمنهم
وافتكرهم برحمتك
دي جوه قلوبهم محبتك
من ميلادهم ليوم الدين
يرضي مين
مشاركة
اضف تعليقاً واقرأ تعليقات القراء
مشاركة
