جاتلى ف منامى بتناديني
طفله بـالشال الفلسطيني
خلتنى ابكى من صوت نداها
خلت دموعى تملى عينى
الحقينى
ياعروبه ماحيها التراب
يارجوله .. ياسراب
يامعاهده جايبه الخراب
يا طفله مولوده بالعذاب
احضنينى
ايدك ف ايدى ماتخافيش
لو لينا عمر لازم نعيش
ده الأمل مابينتهيش
حتى لو ضاق بينا الحصار
واتبنى الفين جدار
لينا جنه وليهم نار
ماتخفيش
ده الامل مابينتهيش
وعلى صوتك
وعلميني
ازاى اعيش فى الدنيا حر
حتى لو ريقى طعمه مر
ولا م الهموم قادر افر
يالى شايفه نجوم الضهر
اسمعينى
واسمعى دقات قلوبنا
لما يروح منكم شهيد
ويزيد يتيم فى ليلة عيد
بلبسه الابيض الجديد
اسمعينى
واسمعى شهقه نفسنا
ده صوت ضميرنا بيحاسبنا
الحنين ليكو واخدنا
ياريت خلاصكوا كان بأيدنا
بنحبكوا . . واحلف بديني
هاتسبينى ؟
بس ابقى زرينى فى المنام
وبلغى لاهلك سلام
من جيرانك ف ارض السلام
المكبوتين .. المهمومين
المسلمين .. المسيحيين
والى بحصاركوا مش راضيين
بلغى لاهلك سلام .. والسلام مسك الختام
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة