أول مرة أحب حبيتك
أنا قبلك عمرى ما حبيت
ولا الحب عرف لى طريق
ولا عنوان
ولا بيت
ولا عمرى لغيرك لحظة حنيت
قبلك عمرى ما كتبت قصيدة
كان بينى وبين الشعر مسافات
وبلاد كتير واهات
واوجاع ياما وذكريات
كلها يا حبيبتى حزينة
كنت تايه فى بحر الحزن بدور على مينا
قبلك كنت فاكر الحب كلام فى الحكايات
وانه مستحيل يكون
واللى يمشى فى طريقه مجنون
والحياه واقع ومفيش غير كده
لكن لما قابلتك
لما صوتك خدنى من روحى
لما دوايتى بسحرك جروحى
لما قلتى بحبك صدقت
سلمت
عرفت
ان الحب حقيقة مش ظنون
ونه احلى فرح بيسكن ف العيون
آه يا حبيبتى
لو تعرفى قد ايه القلب دايب
كنت جيتى قلت تانى له بحبك
قلت له ولايهمك واياك تخاف
وأنا هنا جانبك
وعمرى فى يوم ما راح ابعد عنك
آه يا حبيبتى لو تعرفى
أنا قد ايه مشتاق
بحبك
بقولها لأول مرة فى عمرى
بحبك خليك هنا معاى لأخر عمرى
بحبك اسمح لى اقولها تانى
أغنيها أغانى
اسمحى لى اهتف بيها
أنا ما صدقت الفرح لاقنى
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة