أحمد الخطارى يكتب: فلوس الزبالة فين!!!

فلوس الزبالة اللى بندفعها كل شهر فين؟

أجبرت الحكومة المصرية الشعب أن يدفع 5 جنيهات شهريا مقابل النظافة، الشعب يدفع ال 5 جنيهات شهريا من غير ميقاوح ومن غير مايتخانق ولو اتخانقت حتروح السجن!! طيب الوقت عدى والناس اتكتمت وسكتت.. طيب تعالى نحسب الحكومة دخلها كام فى الشهر من الليلة دى..
5 جنيهات فى 20 مليون ده لو حسبنا أن مصر فيها 80 مليون وقسمناهم على ال 4 يطلع الناتج 100 مليون جنيه فى الشهر.

الفلوس دى راحت فين!!
هل تعلم أن الزبالة المصرية أغلى زبالة فى العالم؟
هل تعلم أن ممكن الحكومة بالفلوس دى حتى لو تبقى نصفها بعد المصروفات أن ينظفوا الدولة ويقوموا بإنشاء مصانع إعادة تصنيع فى نفس الوقت!!

هناك آلاف الأسئلة تطرح نفسها، فين الفلوس؟ طيب بلاش الفلوس الحكومة مبتعملش مصانع وشركات إعادة تصنيع ليه بدل الخناق مع الشركة الإيطالية؟
يا ترى المطلوب مننا نسكت؟ ولا ممكن الحكومة تدى الشعب إجابة!!