مش جمـــيله
بس أنا باشعر واحب
مش جميله
بس عندى يا خلق قلـــب
ليه نصيبى تمــللى جارح
مش كفايه قاســيه الملامـح
زيكم وف قلبى روح
نبــض يعشق أو يـــبوح
ليه تقـــابلونى بجروح
واعتــبرتوا الشكل ذنـــب
هى غلطــه لونى أســمر
أو عــيونى ماهيـش بتســحر
ما تقيســوها بلون دموعى
لما نظـــراتكم بتكــسر
و الألم ده بجــد صعب
ذنــبى انى مش طويـــله
وابتســـامتى مش جميله
اعتبرتوا الحســـن فضل
والوحاشه بقت رزيــــله
والقبيح ما لهش قلـــــب
بس قلبى .. رغم قبحى .. لسه شايل نبض شوق
لسه بتحرك مشــاعرى أى بسمه تاخدنى فوق
فجأة أطير وأفرد عـــنادى
وأنســى تفاصــيلى وملامحى
ألقى قسوتكم قصـــادى
والنتيجة بتبقى جرحــى
خدتــوا منى الحق إنى أكون حبــيبة
شكلى.. وسط الخلق خلا غـــرامى.. عيــبة
والمصـــيبة
أن عندى م المشــاعر كم فوق طاقة البشــر
بانسى نفسى واما أقرب .. قلبكم زى الحجـــر
خليــتونى شايله وصمه .. ذنب ومحــال يغـتفر
م المراية بقيت باخـــاف
نفسى أشعر باخــتلاف
لما تشوفونى بعيونكم
مش ورا حـــروفى اللطاف
ما أســتخباش م العيون
ولا تقتلنى الظــنون
نفسى أتحرر وأخـــــرج
بره سجن ..... التليفون
مش جميلة
بس إنســـانة وبحــــــب
مش جميلة
بس عندى .. يا خلق ... قلب
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة