فيسبوك
واتساب
يابحر اسمع كلام منــــــى هويتك وأنت حارمنـــــــى
باحب اسمع كلام منــــــــك بلاش تتقل وكلمنـــــــــــى
يابحر النية فيك صافيــــــة وفيك أسرار كتير خافيــــة
وناس عالبر متعافيــــــــة بحدفك وأنت ظالمنــــــــي
يابحر احدف هنـــــــــا مرة حرام تنسانى بالمـــــــــرة
حدفت كتير مفيش مــــــرة لقيت حدفك بيوصلنـــــــى
حكوا لى كتير كلام عنـــــك عشان ارجع وأخاف مــنك
لقيت نفسى وأنا جنبــــــــك مفيش غيرك بيفهمــــــنى
ياموج البحر ياعــــــــــالى تعالى اشهد على حـــــالى
غريب بين أهلى وعيــــالى ماليش غيرك يوالمــــــنى
يابحر ركبت أنا صعبـــــــك وياما مشيت على دربــــك
وعشت سنين وأنا صاحبك وأخاف تغدر وتألمنــــــى
بلاش تغدر ف يوم بيـــــــا دفعت كتير أنا الديــــــــــة
حفرت الصخر بإيديــــــــــا ياريت الدنيا ترحمنـــــــى
