مسافر بعيد ومش عارف .. راجع أنا ولا مش راجع
مسافر لفين مش عارف .. هوصل أنا ولا هعيش تايه
وسط الدروب قابلت ناس .. حلمهم كان حلمى لكن
بعد الرحيل فى البعد عاشوا .. ولما فات العمر ماتوا
وياخوفى من آخر الطريق .. حلمى يتوه وأرجع غريق
بعد أما أكون خلاص بقيت .. أنا فى التراب
أنا فى التراب
أدى اللى عشت أبنيه خلاص .. ما بقاش يفيد
وأدى الحياة فارقتها روحى .. مسافر بعيد
وأدى اللى عشت أحبهم .. أدى الصحاب
شايلنى فوق على كتفهم .. فى لحظة وداع
ودموع عيونهم .. جوه منهم .. حيرانين
ازاى يعدى العمر فجأة .. وينتهى .. والجاى موت
سكة سفر .. مالوش رجوع .. طفوا الشموع .. وبلاش دموع
ولا عادش تانى فيه لقا .. كلو اختفى
والبسمة راحت من الشفايف .. والكل عارف
إن السفر مكتوب .. إن الفراق مكتوب
لكن بننسى كل شىء .. حتى القدر
وبنفتكر أغلى الحبايب .. بالصور
تنزل دموع على ناس كتير .. منهم أنا
لكن يومين .. شهرين .. سنة .. كلو اتنسى
واللى بيفضل مننا ذكرى .. وبرضو بتتنسى
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة