بقولك من يوم ميلادى
بحبك وبموت فيكِ
يا سكنه قلبى وفؤادى
يا دم بجرى فى وريدى
بقولك وأتمنى تكونى
يا حبيبتى بجد سمعانى
أهون ولا يوم تهونى
يا أجمل كنيه فى كيانى
ولو أنتِ مش مصدقانى
عذرك أكيد وياكِ
عشان فينا ألف جانيى
باعك وباع هواكِ
فينا اللى حبوكِ
فينا اللى خانوكِ
فينا اللى اشتروكِ
فينا اللى باعوكِ
حيرناكِ بهدلناكِ خصخصناكِ
وما زلتى فى حضنك وخدانا
وكل همومنا شيلناكِ
وتملى وقفه ويانا
طول عمرك حلمك يا سفينة
بر عليه ترسينه
يحضن أحلامنا وأمنينا
وأصيله فى حضنك وأمينه
وإن يوم تعبتى منا
وشواية طنشتينا
نقس بقلوبنا عليكى
مع إنك بتختبرينا
يا زرعه ناديه وخضارك
مش محتاج جنينيه
يرعرع من شمس نهارك
ويغطى العالم حنيه
إحمينى بضلك من نفسى
دفينى بشمسك دفينى
زى ما كنتِ فى يوم يأسى
بإسرار وبصمت تقوينى
مشاركة
اضف تعليقاً واقرأ تعليقات القراء
مشاركة
