بدوى
بدوى أنا من سينا ومكانى على ضهر الخيول وجمال
القلب الابيض عبايتى وحبك يا مصر فى القلب منشال
أفديك يا غالية بالروح وعلمك حطه على راسى ديما شال
شالى علمك بلونه الاحمر والابيض والاسود هو العقال
بابك الشرقى فى القلب عليه مرابط ومعايا من الأسود رجال
صعيدى
صعيدى أنا أسمر والقلب من هواك مش خال والعزم عندنا منه كتير رجال
حبك يا مصر فى قلبنا زاد وعم وبالعهد نوفى والصبرعند الشدايد لنا خال
نشيل الحمل وكتافنا تجيب الدم فى الغربة نصونك يا غالية وشرفك ما ينطال
بالأرض نزرع بالجبل نقطع صخور بها نبنى ومجدك بين الأمم يكون عال
فى قبلى يد وحدة مسلم وجنبه مسيحى من أول التاريخ والود بينا بحبك عال
فلاح
فلاح أنا وطول عمرى همك يا مصر على كتافى شايل
أسقى الأرض بالعرق عشان تطرح لولادك بالخير بشاير
سلاحى فاس فى إيدى وعلى عدوك والجوع أنا باعى طايل
أزرع بالأمل أرضك يا غالية ويحصد من خيرك حاطت وشايل
أروى من نيلك قصيدة وفا وأغزل فى هواكى موال بين البلاد داير
ابن البلد
ابن البلد أنا وهى كمان أمى محروسة بالقرآن دايما والإنجيل
شربنا الحنان من نهرها بشرى وانا اتربينا على حبها أصلنا جيل
اتعلمنا وكبرنا على أرضها والأمان فى حضنها ولازم نرد الجميل
بشرى بيبنى على أرضها وأنا برة أصون ودها ولا عمرى أنكر الجميل
يا مصر زاد الحنين للصلاة فى الحسين والغناوى والمية على كورنيش النيل
* باحث- الولايات المتحدة
مشاركة
اضف تعليقاً واقرأ تعليقات القراء
مشاركة
