الشاعر الغنائى محمد محمود يكتب: يارب ما تفتكرنى

السبت، 12 سبتمبر 2009 12:43 م

اضف تعليقاً واقرأ تعليقات القراء

يارب ما تفتكرنى.. بعدت سنين يا رب تكون خلاص نسيتنى
افترقنا زمان.. وماكانش بإيدينا الفراق
وأهى رجعت وجاية مقربة وبقول.. يا رب ما تفتكرنى

بخبيها عن عينيا.. عشان ما تشوفش جوايا مكانها
وكل واحد مننا.. يعيش نصيبه

لقيتها جاية وبتقرب عليا.. وبتقول مش فاكرنى؟
ما قدرتش أخبى عليها.. الحب إللى لسه جوايا ليها
سكت الكلام جوايا وأنا وياها.. ما حسيتش غير وأنا بحكيلها

ليالى.. صورتك ما فارقتش خيالى
ليالى.. كنت بقول إزاى هلاقيكى تانى
وأما قربتى عليا.. كنت بقول يا رب ما تفتكرنى
ما صدقتش.. غير وأنا فى حضنك
ودموع الفرح.. لما حسيت إنك فى حضنى