محمود فكرى عبد المطلب يكتب: اضحك من ألمك

أضحك من ألمك
عيش على حلمك.. حارب
وسلاحك قلمك.. ورقك
حاسب من ضلمه حزنك.. لاتشدك
اجرى على البحر وعافر.. اصرخ
اعلى ولا يهمك
دى الموجه بتاعتك
واجه يأسك .. عيش فى قصيدتك
مايهمك ساتر
احفر مجدك بطريقتك
دور على بكره
والحته الناقصه
كملها بعرقك
انده لحياتك هترد عليك
تفرح بيك.. تفرحلك
قوم غنى
اتغزل فى حبيبتك
قولها يا حبيبتى
انا قلبى خريطتك
وخريطتى فى قلبك
دور وانسا العالم فى ايديها
متسيبش الأيام تغدر بك
اغدر بالغدر هيحترمك
اضخك من المك
عيش على حلمك حارب
وسلاحك قلمك
مها تعيش فى مأسى
هيجيلك يوم تتعلم
تعمل نفسك
تمشى برجلك
تدفن احزانك فى جلالتك
زقزق زى العصافير
افرش قلبك بمدينتك
واوعاك تتكاسل ولا تهمل
الحدايه هتاخدك
اضحك من المك
عيش على حلمك حارب
وسلاحك قلمك
اضرب اخماس اسداس
وازعل على كل خسايرك
لكن اياك تغرب شمسك
بص لنفسك
بص كمان اعرف قدرك
مخك ده هيعمل نجمك
ايدك دى تعلى مراتبك
عرقك يرويلك عطشك
من حر الدنيا ومشاكلك
واجه ضعفك
سيح دمه.. اقطع عرقه من جسمك
سافر فى خيالك
هتلاقى فى الغربه شوارعك
ابنى قصورك من رسمك
اسكن حبك
وان دارت بيك الدنيا فى يوم
....واتمكن منك ألمك
اضحك