المسئولية

على راس بستان الاشتراكية
واقفين بنهندس ع المية
أمة أبطال علما وعمال
ومعانا جمال بنغنى غنوة فرايحية
ننده كلنا ندهة فلاح لإخواته ساعة الرى
حاكم أرضنا ملكنا كلنا
م السد العالى وجاى
ننده كلنا ندهة قوية:
افتح افتح افتح
كلنا ننده ندهة قوية:
افتح افتح افتح
افتح على حوض الورد ابو تمن المليون شجراية
الورد العربى ورد السهل وورد الصحراية
أهو كده وافتح صفحة ما تشبع فيها الدنيا قراية
الشعب العربى رمى قيوده وخرج م الطوق
طالع للقمة وبيزرع فيه الراية
نادوا ورايا نادوا ورايا
على راس بستان الاشتراكية
واقفين بنهندس ع المية
أمة أبطال علما وعمال
ومعانا جمال بنغنى غنوة فرايحية
نقعد نرتاح؟ لا هنكمل
هنكمل هنكمل
ياللى عليك تنفيذ مبادئنا
إن كنت صغير ولا كبير
مبادئنا يعنى ثورتنا
يعنى أمانة وشغل كتير
لو تخدم باشتراكية
وبذمة وهمة قوية
أنا زى ما قال ريسنا
راح أشيلك جوه عينيا
وإن خدت المركز جاه
ولعبت اللعب إياه
ولا همك غير مصلحتك
وظلمت فى خلق الله
هنقول لك:
يا عديم الاشتراكية يا خاين المسئولية
هنزمر لك كداهو
ونطبل لك كداهو
عايزين اللى يصون مبادئنا
وينور بالحب طريقنا
ويغنى معانا للحليوة بلدى
بلدى يا بلدى
والله احلويتى يا بلدى
بلد الثوار يا بلدى