فيسبوك
واتساب
قصدك عليا أنا بالذات
هاصوم ولا زى رمضان إللى فات!
إيه..ياعم الشيخ
هو انتو بس إللى تعرفوا الطاعات؟
يا ابنى اهدى..
مش قصدى الصيام عن الأكل والشرب
قصدى.. الصيام عن المحرمات
عن الغيبة..
عن النميمة
عن الخوض مثلاً فى أعراض البنات
يا ابنى اهدى..
قصدى متبقاش بالنهار مية مية
لا تعرف حشاشين ولا خمورجية
وبالليل تسكن فى البارات
وأقولك اتق الله
تقوللى اللهم إنى صايم
وتجيبلى بدل الفتوى.. فتاوى وآيات
وتقولى الشيخ فلان الفلانى
حلل السجاير فى نهار رمضان
وهيه أساساً من المحرمات
على جلال كاشف
