فيسبوك
واتساب
أنا شغلتى مسحراتى أدق على الطبلــــــــــة
وأصحى أهل البـــلد قبل الأدان حبــــــــــة
وألف أنا وطبلتـــــى انده على النايمـــــــين
وأقول لراعى البلـــد أحرس غناماتـــــــــك
وخلى بالك وحافــظ على الغنم حبــــــــــة
أنا شغلتى مسحراتى أنده على النايميــــــن
وأدق فوق طبلــــتى وأفوق السارحيـــــــن
وأسال اللى شـــــرد وأقوله رايح فيــــــــن
وأساعد اللى وقـــــع واللى انغرز فى الطين
وأغنى للى انجــرح واللى حزن حبـــــــــة
أنا شغلتى مسحراتى وحافظ المواويــــــــل
أسهر أغنى ليلاتـــى فوق شطوط النيــــــل
راضى أنا بشغلتـــى وحظى منها قليـــــــل
الناس تنام وأنــــــــا سهران بطول الليـــل
خايف يضيع السحور لو نمت يوم حبـــــــة
أنا شغلتى مسحراتـــــــى وبشتغلها بـــــــــلاش
نفسى اصحى اللى يسوى وانسى اللى مايسواش
ونفسى أقول غنوتــــــــى اللى مغنتـــــــــــهاش
يسمعنى ابن البلــــــــــــد اللى ضربها طنـــــاش
ويفوق بقه لدنيتــــــــــــه ويعيش بطل حبــــــــة
أنا شغلتى مسحــــــراتى وألف فى السراديـــــب
وبصحى أهل البلــــــــد تمسك معايا الديـــــــب
ولو إن أنا مش غفيـــــر لكن مزاجى عجيـــــب
عاشق تراب البلـــــــــد وليه ألف حبيـــــــــــب
ويطلع نهارى وأنـــــــا ما غفلت ولا حبـــــــــة
أنا شغلتى مسحراتــــى طول شهور العـــام
لا فى يوم نسيت طبلتى ولا قولت هاخد كـام
بتحمل البرد والمطــرة وبتحمل اسى وكلام
وسهرت أحرس شوارع لما غفيرها نــــــــام
ورحت أصحى الغفيــــر قالى كمان حبــــــــة
أنا شغلتى مسحراتـــــى بس أقول يا ميـــــــــن
وأنا أهلى م المغربيــــة فى الجحور لابديـــــن
الدنيا صحيت وهمـــــه من زمان نايميـــــــــن
وغلبت أنادى فى نـاس حطه فى ودانها عجين
والدود نخر عضمهـــم ولا سبش ولا حبــــــة
أنا شغلتى مسحراتــــــى وشكوتى للـــــــــــــــه
تعبت قلبى وأنـــــــــــــا لطلبت مال ولا جــــاه
كان نفسى أصحى الغفير وشيخ الغفرايــــــــــاه
سابوا الحرامى هــــرب فى الزحمة منى تــــاه
سرق الشعير م البلــــــد ولا سبش ولا حبـــــة
أنا شغلتى مسحراتــــــــى بسحر العمــــــــــــدة
وأقوله ليه الولـــــــــــــــد تاخد عليــــه فـــــرده
وليه دخلت بنعيمـــــــــــة وهية فى العــــــــــدة
وظلمت أهل البلــــــــــــد وحكمت كام مـــــــده
كان يجرى أيه لو رحمت وفتنه حبـــــــــــــــــة
أنا شغلتى مسحراتــــــــى وعارف القوانيـــــــن
وعارف اللى ظلمنــــــــى وساعد الفاسديـــــــن
وعارف اللى ســــــــــرق واللى نهب ملاييــــن
وعارف الباشا هـــــــرب كل ماله فيــــــــــــن
كان يجرى أيه لو تــــرك للمحرومين حبــــــة
من كام سنة يا بلـــد سهران بصحيكى
وتعبت قلبى وأنـــــا بصوتى بناديكـى
شايفك تعبتى وأنـــا نفسى أداويكــــى
وأجيب بأيدى الدوى تقولى كمان حبة
