تقرر طرح ديو "يارب" الذى يجمع بين المطرب الشاب على حسين والملحن محمد رحيم، حصرياً على "راديو مصر"، الأغنية من كلمات نصر الدين ناجى وألحان محمد رحيم و توزيع طارق حسيب.
ومن المنتظر تصوير الأغنية بطريقة الفيديو كليب لعرضها على القنوات الفضائية إلى جانب إذاعتها على كافة إذاعات الأغانى وقد تقرر بشكل نهائى التبرع لمستشفى سرطان الأطفال 57357 بكل العائد المادى من الدويتو بالاتفاق بين الشركة المنتجة لأغنيات على حسين و الملحن محمد رحيم.
كلمات الأغنية
لما تلاقى الطريق عمال بيضيق عليك
والناس جنبك كتير لكن مش حاسة بيك
اغسل وشك وفوق وارفع إيدك لفوق
قلبك على طول يروق أول ما تقول يا رب
مهما تكون الهموم حضناك زى الهدوم
انفض توبك وقوم وهمومك ليها رب
ماتسبش قلبك يحزن ليلة
ده ما بين نهار واحد وليلة
تتبدل الأحوال فِ ليلة
ربك كبير
بس انت روح واشكيله همك
أوسع ببان الرحمة تضمك
ده أحن حتى عليك من أمك
ومجايبه خير
اغسل وشك وفوق وارفع إيدك لفوق
قلبك على طول يروق أول ما تقول يا رب
مهما تكون الهموم حضناك زى الهدوم
انفض توبك قوم وهمومك ليها رب
مين إللى عارف فين نصيبه
أو كام هيدخل بكرة جيبه
الرزق مين يقدر يجيبه
قيل الميعاد
سلم لوجه الله أمورك
واسعى وخلص بس دورك
واستنى فضل الله يزورك
من غير عناد
اغسل وشك وفوق وارفع إيدك لفوق
قلبك على طول يروق أول ما تقول يا رب
مهما تكون الهموم حضناك زى الهدوم
انفض توبك وقوم وهمومك ليها رب
