صلاح هدهود يكتب:حكاية وعابر سبيل

أول حكايته نهاية
آخرها مايتحكيش
سمعت منه
وصدقته
لكن ماصدقنيش
سألته ليه عايش نكرة
وإيه مستنى من بكرة
وإنت يمكن ماتلاقيش
صرخ بصمته وقالى
عايز لعقلى كتاب
يعلمنى.. يفهمنى
أنا ايه وليه
عايش وباكل عيش
علمتنى الدنيا بدرى
إنى ميت مهما أعيش
وإن القدر مخوفنا
لكن مابنختشيش
والقبر حفرة ونومة
مش فرشة ومسند ريش
والكفن سترة بجيوب مفيش
تفرق معايا فى إيه
لو يلفونى بحرير
أو حتى حبة خيش

******
مستحيل تكونى هيا
انتى مين؟
انتى أنا؟؟
انتى الهنا؟
انتى الوحيدة؟
والأولى والأخيرة؟
طول الحياة طول السنين
انتى مين؟
ومين هصدق بعد ظلمك
بعد ما غابت شمس الحقيقة
عن عيونك وبعد ظنك
بعد ما شافت عيونى غدرك
غبتى عنى
حتى ضلك والمرايا
سألونى عنك
إنتى مين؟؟