نفسى أكتب كل يوم
سطرين وأنام
سطر منهم ف النهار
محشور ف صدرى
سلك شايك
والحروف حراس تقال
وسطر تانى ف المغارب
لما يبقى كل خل لخله قارب
لما دمع العين تشده أشعة حمرا
يفر هارب
لما الضفادع راح تهز
أوتار التشيلو بالمخالب
بالاقى نفسى مش باغالب
وكل ماتاوب أتكتك
وأغزل السطرين لحاف
أغطى وشى تبان حروفى
بين صوابعى شين وكاف
أغطى رجلى يفر خوفى
بين ضلوعى أنبوبة قلم
سطرين يا رب
بس أنام
مشاركة
اضف تعليقاً واقرأ تعليقات القراء
مشاركة
