يلا بينا نغنى لرمضان
قولوا معانا شهر الغفران
ده نورك هل يا رمضان
على المسجد أهو رايح
يخر الجبين ويبكى
من الذنب اللى دابح
وبتجرى وفى قلبها الفرحة
بينور وشها الطرحة
وتقول يا رحمن
اقبلنى ده أنت أبوابك
دايماً فاتحة
وتسمع بالصوت آمين
من محمد وعم أمين
ومن العاصى اللى احتار
واللى قتله الذنب وأنهار
شهر رمضان هدى وإحسان
يلا بينا نغنى لرمضان
قولوا معانا شهر الغفران
ده نورك هل يا رمضان
تعالوا ننسى كل اللى فات
وبلاش نقلب فى الذكريات
ننسى ذنوبنا والشهوات
ونتبدى صفحة الحسنات
يلى رايح على المسجد ادعيلى
خدنى فى ايدك وبعطفك احكيلى
عن شهر الصوم والصلاة
يا رب برحمتك وعزتك أهدينى
شهر رمضان هدى وإحسان
يلا بينا نغنى لرمضان
قولوا معانا شهر الغفران
ده نورك هل يا رمضان
طبطب على الفقير والغلبان
وقوله جالك شهر الأمان
شهر المحبة والإخلاص
هدية السنه من الرحمن
لا كلمة تموت ضمايرنا
ما كفاية بقى عمايلنا
وتقصيرنا ف أهلنا وف جيلنا
خلونا نعيش لحظة رضا
يمكن تتغير مصايرنا
شهر رمضان هدى وإحسان
يلا بينا نغنى لرمضان
قولوا معانا شهر الغفران
ده نورك هل يا رمضان
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة