فيسبوك
واتساب
ياعمنا امتى كان عندنا شباك
وامتى غرقنا واترمالنا شباك
ياما كتير اتوجعنا
واتسرقنا واتفجعنا
ما شفنا ايد اتمدت
تداوى فينا
او حتى تطبطب بحنيه
عالحته اللى توجعنا
ولا كبير فكر
ف يوم
ينصت ويسمعنا
عارف يا عبد
أهى ماشيه دفع ذاتى!!
زى عربية متفككة
على المنزل تجرى
من غير فرامل
وتتخبط
فى حيطة يوماتى
مادام ماشية
حتى لو حافية
تبقى مستورة
ورغم همومنا
تشوفنا ضاحكين
قوى ف الصورة
عشان حياتنا
خلاص بقت إيه
بقت خلاص صورة
- صورة ارشيفية -
