بانت الرؤيا وبكره رمضان
حمدا لله..احنا بلغناه
شهر الايمان
أهو هل وبان
والخير هالل بقدوم رمضان
نورت علينا يا شهر صيام
شهر الإحسان..شهر القرآن
وقلوب عامره
صاحية ما تنام
مابين تراويح..وصلاة.. وقيام
ونفوس هايمة فى حب المولى
سخية ..كريمة ..تبغى الإحسان
أهلا رمضان
شهر الفقرا ..شهر المساكين
بهلال رمضان ..رجعوا الضالين
رجعوا لاٍلََه ..غافر ورحيم
حنان منان ..على عبده كريم
لو شاف دمعه
م العين نازله
طالبه الرحمه
من رب كريم ..اسمه الرحمن
اهلا رمضان
وانت يا عاصى ..مش ناوى تتوب؟
بتقول مكسوف
غرقان فى ذنوب
ازاى ربى يغفر ذنبى
وياريت واحد
دا انا كلى ذنوب؟
قوم بس اتشجع واتطهر
واتوضى وقوم انوى وكبر
واركع واسجد
توب واستغفر
وانوى التوبه
وادعى ربك
يغفر ذنبك
حتشوف الرضا جوه ف قلبك
وحتطلع منه الأحزان
دا انت فى رمضان
وانتوا يا أصحابى اللى معانا
عودوا لربكم..صوموا ويانا
واقروا القرأن
زوروا العيان
ساعدوا الغلبان
واحسنوا للناس حبا وحنان
دا احنا فى رمضان
....................
وكل عام وأنتم جميعا فى صفاءوسكينه وحب ووئام ..تقبل الله منا ومنكم
خالص الأعمال من صلاة وقيام، اجعل اللهم صيامنا مقبولا وذنبنا مغفورا
..يا أرحم الراحمين ارحمنا وخذ بيدنا
ولا تهنا واغفر لنا واعف عنا وصلى الله على حبيبنا ونبينا محمد وعلى آله
وصحبه أجمعين ومن تبعه إلى يوم الدين
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة