يامرتبى هاتكفى ******* قوللى يامظلوم معايا
لفين تروح طيب لمين****** للبنين ولا الولايا
قولنا نخلف عيلين******** جونا خمسة مش حكاية
احمد ومحمد وحسين****** وصفاء والست آية
قوللى مين هتكفى مين***** وادى اول الحكاية
هاتكفى رغيف عيش مسكين*****ولاجزار فى البداية
هاتكفى زيت مع تموين*******والا بقال فى النهاية
وادى الشتا جية ياعين*****والعيال تجرى ورايا
كل واحد بنطلون *****ويا جاكت ياهنايا
وياجزمة وجوز شراب***وكم تحجيبة للولايا
وادى ستة مدرسين ***والدروس عايزين ماهايا
قوللى مين المظلومين***انا والاانت معايا
قوللى فين ناوى تروح****وانا وياك للنهاية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة