الشاعر عمرو منصور القزاز يكتب..عيونى

اوعى تبكى يا عيونى وتقولى البكا حل
لان البكا فى قاموسى معناه الخضوع والذل
اوعى فى يوم يبان انكسارك
وعدوك يسمع عن اخبارك
بلاش اشوف فى عنيكى دموع
ممكن يفتكر انه خضوع
عايزك تكونى جبل اشم
ثابت لاخر نقطة دم
جبل زى جبال لبنلن
لاهله ووطنه كل حنان
اوعى فى يوم تيأسى م النصر
تستسلمى لهموم العصر
تحسى يوم انك فى غربه
او تقولى انك مهاجره
او تحسى انك غريبه
او تقولى انك وحيده
هعتبرها فى حقى عيبه
مين فى الدنيا مش غريب
مين فى الدنيا مش جريح
انا شايف كله بينزف
وينادى عايز طبيب
ليه فى يوم نخسر دموعنا
او فى يوم نطفى شموعنا
عالاقل لازم نقاوم
ومنعلنش فى يوم خضوعنا
اوعى فى يوم تقولى خايفه
او تقولى الخوف بعينى لسه شايفه
عمر الخوف ما كان طباعنا
دا شىء جديد من اختراعنا
اوعى يتسرب لقلبك
او اشوفه فى عيونك وغلبك
بلاش اشوف دموع العيون الكحيله
بلاش اشوفها جافه على خدودها الجميله
بلاش اشوف ورده بتدبل بين يوم وليله