فيسبوك
واتساب
أول حكايته نهاية
آخرها مايتحكيش
سمعت منه
وصدقته
لكن ماصدقنيش
سألته ليه عايش نكرة
وايه مستنى من بكرة
وانت يمكن ماتلاقيش
صرخ بصمته وقالى
عايز لعقلى كتاب
يعلمني.. يفهمنى
أنا إيه وليه
عايش وباكل عيش
علمتنى الدنيا بدرى
انى ميت مهما أعيش
وان القدر مخوفنا
لكن مابنختشيش
والقبر حفرة ونومة
مش فرشة ومسند ريش
والكفن سترة بجيوب مفيش
تفرق معايا فى إيه
لويلفونى بحرير
أو حتى حبة خيش
