فيسبوك
واتساب
الحيرة وخدانى
هو السلام بالقلب
دلوقتى حقيقى
ولا زى كل حاجه
بقى مغشوش و برانى
البت مخطوبة
وسارحة بواد تانى
ولا العيال بتصلى
سبحه فى جيب
والبنجو ياخسارة
فى جيبه التانى
عرفتو ليه
الحيره وخدانى
شايف كلنا فى غرقه
وناس ولا على بالها
وجوه الضياع غارقة
تبص هنا
تلاقى الزحام هاجم
عند طابور العيش
وتلقى الشباب يدعى
يتعفى م الجيش
بالذمة يا خلق
دا اسمه كلام
متين ألف
يروحوا مارينا
يسقفوا ويهيصوا
لعمرو دياب
وناس مش لاقيه
حتى أكل كلاب
وناس مجرمه
هربانة بفلوسنا!!
ودم عيالنا وأهلنا
على المركبه
ومودعينهم !!
وبالسلامه لحد الباب !!
وسؤالى دلوقتى؟؟
العيب مننا؟؟
ولا فى عمرو دياب؟!
