نفسى أبيع ورشتـــــــــى وافتح بتاع طراطيــــــــر
زباينه يامه وشكلــــــــــه فوق دماغنا خطيــــــــــر
لايق على ابن البلـــــــــد أبو قفل فى لسانــــــــــــه
وقفل فى دماغه وقفــــــل فى لجنة التزويــــــــــــر
.....
ياريت نطوّر ونلبــــــس كلنا زعابيــــــــــــــــــط
تليق علينا وعلـــــــــــى مشيتنا جنب الحيـــــــــط
ملنــــــــــــاش إراده ولا بنسمع ولا بنشـــــــــوف
وبلدنا متقسمــــــــــــــــة والأغلبية عبيـــــــــــــط
.....
لو مش عبيط قولــــــــى مصلحطك فى بيع الغـاز
مين منهم استأذنــــــــــك من قبل بيع فنطــــــــــاز
ومين قراره سيــــــــادى ضد مصلحتــــــــــــــــك
وليه شباب البلـــــــــــــد محروم وفايته جــــــــواز
.....
لو مش عبيط قولــــــــى امتى راح يجيك الــــدور
وتلاقى نفسك بعلمــــــك فى البلد مشهــــــــــــــور
والحق غالب علـــــــــى أهل النفوذ والمــــــــــال
وكل واحد شـــــــــــرب من دم مصر يغــــــــــور
.....
من غير زعل كل واحـد يشترى طرطـــــــــــــور
فى الانتخاب يلبســــــــه ويلف بيه ويـــــــــــــدور
ويشوف لجان البلــــــــد فى اللجنة مين قاضـــــى
ومين بقاله كام سنــــــــة فى اللجنة شاهــــــد زور
.....
نفسى أصنع وابيـــــــــع طراطيرى والبـــــــــس
واهديها من غير ثمـــــن لاشاوس المجلـــــــــــس
والبس على دماغــــــــى قدامهم سبع طراطيــــــر
واقول لشيخ النـــــــــــوّر بالنص يا اغلـــــــــــــس
مشاركة
اضف تعليقاً واقرأ تعليقات القراء
مشاركة
