فيسبوك
واتساب
أمى
بشوفك بيتى
وغيطى وبستانى
أحبك حب مش منى
لكنه حب ربانى
بتدى
وأنت مش قادرة
عشنا ما قولتى مرة
آه يانى
مرضنا سهادك
شفانا فرحك
وأنا صغير
دايما محاوطانى
ولما كبرنا
أنا وعيالى شيلانى
شقاوتى
وهوستى
وضحكتى
وكمان مزاكرتى
وإخفاقى ونجاحى
يخلوا قلبك شباب تانى
حاجات حلوة كتير ليا
تحطى فى بقى مرة
ومرات كتيرة لعيالى
تنادى علينا
وإحنا بنادى على الدنيا
لكنك أنت حياتنا
وإنتى دنياتى
سلمتى
وأبويا وياك
ولو طلنا
نبوس الأرض
تحتيكم
ليرضى
عنا مولانا
بشوفك بيتى
وغيطى وبستانى
أحبك حب مش منى
لكنه حب ربانى
