عمر مرسى يكتب : خليك فى حالك

لما تبقى الدنيا ساقعــــــــــــــه وانت ساكن فوق سطوح
ولا صيف والجو ولعـــــــــــــه وانت ف البدروم تنـــوح
واما تبقى اللقمه حســــــــــره مش حاتعرف فين تروح
واما تبقى الكلمه حـــــــــــــره وانت مش قادر تبـــــوح
لما يبقى الجرح غايــــــــــــــر وانت مملى بالجـــــروح
واما تبقى العيشه مـــــــــــــره والبدن مليـــــــان قروح
لما تنسى ف مره نفســــــــــك أو تفكر ف الطمــــــــوح
مستحيل تقدر تخطـــــــــــــــى حاجه غايـه ف الوضوح
وان عافرت وقلت حقـــــــــــى تنضرب من غير شروح
وان فضلت تعافر اكتـــــــــــــر كل شئ منـــــــــك يروح
يا بنى أحسن لك بلاهــــــــــــــا عيشه واحسن لك تروح
عيش لوحدك عيش لفكــــــرك بس مش لازم تبـــــــوح
موت ف كوخ أوموت ف عشه مالها أوضه ف السطوح
والحقيقه ف يوم حــــــــاتظهر لما ريحتك راح تفـــــوح