قلت أنتحر لأنى صدقت!

من يوم ما بدأت حكومة الدكتور نظيف وحتى الآن والكثير من الانتقادات موجهة إليها، ولأنى من عشاق حكومة نظيف قررت أعمل جولة سياحية أكشف فيها عن إنجازاتها, البنية الأساسية الطرق والكبارى.. وجدت أن حكومة الدكتور نظيف أهملت الطرق والكبارى لدرجة أن الشوارع أصبحت مقرا لموت الناس وطبعاً لأن الحكومة بتصرف الفلوس على حاجات أهم!. ودورت ولفيت يمين وشمال رحت الأهرامات قالولى: إن اللى بناها الفراعنة والدكتور نظيف مالوش دعوة بيها.. ده حتى يهملها لحاجات أهم.. رحت السد العالى وقالولى إن اللى بناه جمال عبدالناصر، وإن برضه نظيف يهمله لحاجات أهم!.طلعت على توشكى قالولى: مش نظيف.. ده الجنزورى اللى عملها وبرضه نظيف يهملها لحاجات أهم.. رحت سيناء قالوا إن فيه مشروع لتنميتها وقالوا أيضا نظيف يهملها لحاجات أهم.. رحت الساحل الشمالى وأسوان وسمعت نفس الكلام! ومعرفتش أروح فين تانى.. اتصلت بالدكتور نظيف قال إن فيه خط أنابيب كبير معمول وصل نويبع.. رحت هناك لاقيت إنجاز كبير بس قالولى: إن الغاز بيروح لإسرائيل ببلاش!!

كلمته تانى قال الاحتياطى النقدى وصل 22 مليار!! روحت عشان أشوفه قالولى: ممنوع.. ده كلام فى الدفاتر بس.

مختار سعيد مختار
محاسب