أنا مضطر ولازم اتحمل
كل الناس هتبقى اعمامى
واجمع بين اليمنى وشامى
إيدى فــْيد خطيب الجامع
إيدى التانيه فـــْيد حرامى
آكل حاف وادّى لأيها حد النايب
ألعب ويا عموم الحتة
أدّى البصرة للى ما يعرف
واخد الشايب
آكل انيه اللى ما تتاكل
وادّى لغيرى ساعتها الطايب
بـَ اخسر ياما وكله يهون
لجل مـَ اكون للدايرة النايب
*******
بشرى يا أهل الدايرة بتاعتى
هفـْتح قهوة ونت وسيما
بكره هبيع تأ شيرة الحج
لجل خاطركو بنص القيمة
وانا هديكو قروض تسمين
كل اتنين فـْ نص بهيمة
اللى معاه مرتين
ومعهشى قيمة القسط
يرهن عندى نُص حريمه
********
حاسس بيكم
نخر الجوع فـْعضم أهاليكم
تحت القبة
هطالب يبقى الصوم فى بلدنا تلات شهور
رمضان طبعا وشهر ديسمبر وشهر هاتور
أهل الخير يساعدوا الفقرا صدقه ونور
وفرصه نهنى أمن الدولة
وصاحب الحزب وظابط النقطة والمأمور
مشاركة
اضف تعليقاً واقرأ تعليقات القراء
مشاركة
