فيسبوك
واتساب
أرحموا ابنى اللى ذاكر
وادفعوا له تمن حلمه اللى مات
ابنى عاش سنين فاكر
إنه راح يبقى طبيب الآهات
ما كنش عارف إن حلمه
فى لحظة يضيع بقرار
وشهادة حلم عمره
غيره راح يجيبها بالدولار
ما كنش فاكر إن التنسيق حقير
ما لوش قيمة مادام أبوه غفير
ما لوش قيمة مادام مات الضمير
ما لوش قيمة عند سيادة الوزير
وأنا الأب اللى عاش مخدوع
وأحاسب ابنى على المجموع
وأحرم نفسى ونام بالجوع
يبقى حصادى يا حكومة دموع
اصبر ولا اصبر ابنى
وأنا م الصدمة بقيت موجوع
أنت يا مصر بجد بتبني
ولا بجد أنا فيكى مخدوع
ليه عايزه تورثى ابني
مهنة حقيرة ما تنفعهوش
وابن وزيرك يبقى وزير
وهو نحاس وكمان مغشوش
أتمنى يا مصر تخيبى ظني
وتثبتى إنك أرض حضارة
وتحققى حلم أبنى وحلمي
قبل ما قلبى يبقى حجارة
وأحلف بتاريخك يا حضارة
لو أبنى ما رجع له حقه
لبيعك وبعقب سيجارة
عشان أحس إن ابنى أخد حقه
