لما كنا صغيرين
والأمل جاى من بعيد
والفرح فى قلوبنا ساكن
ولون بكره مالى العيون
أيوه كنا مبسوطين
كنا بنام مرتاحين
كنا زى النجوم متنورين
نضحك ونجرى ونلعب
وما كنش فيه أبداً هموم
فاكر زمان
لما كانت صحبة حلوة
وقلب صافى كله خير
لما كان الفرح جامع
بين قلوبنا فى كل حين
لما كان حزن واحد
يبكى كل الموجودين
صحيح كنا صغيرين
بس كان إحساسنا عالى
كنا ع الحب متجمعين
ما كنش فيه بينا مصالح
وكان الخير بينا ساكن
وعلى حبه كلنا ماشيين
الشاعر مصطفى كمال
تم أضافة تعليقك سوف يظهر بعد المراجعة