عبدالرحمن فهمى يكتب.. برج حمام

كان عندنا فى البلد
برج حمام عالى
لما تخش فيه
تشوف اللى بيلاغى
واللى لولفها
تهدهد وبتناغى
واللى بتأكل
زغلول صغير غلبان
واللى عالبيض
راقده عشمها فى الرحمن
يجيها ولد جميل
تعلمو الطيران
وكانت ارضنا
وقمحها صغير
تقولش سجادة
خضرا مالجنة
وكانت الطيور بتغنى
وبنات كتير بتحنى
وعيال بتعزف ناى
وترص فى الموال
كانت بيوتنا طين
فى الحر رطبه جميلة
وفى طوبة دفاها كتير
العيش من فرنتنا
والطير من عشتنا
كان خير بيوتنا كتير
هجم الوحوش بالزلط
وهات فى بيوتنا هدد
وقالوا هانعملكم دكاكين
وفرن عيش مدعوم
كفايه عليكو عجين
وزغلل عيون بفلوس
وباعوا بيوتهم
وخسروا عيشيتهم
وتحولوا لتيوس
يا خسارة يابلدنا
هدموا برج حمامك
وطار الحمام
ومات ولده قدامك
لكن
لسه فاضل بيتين بالطين