أثناء انتخابات الرئاسة الأمريكية سألت نفسى.. ماذا يفرق أوباما عن ماكين بالنسبة للعرب الغلبانين؟، وانتهيت إلى أن أى منهم يأتى فالطريق واحد والسياسة واحدة، ومصيرنا معهم واحد، والآن بعد مرور بعض الوقت "شهور العسل الرئاسية"، هل سنجد فرحة قريبة.. أم كانت خاطرتى فى ذلك الوقت صادقة؟
أوباما ولا ماكين
مين.. مين.. مين؟
أوباما ولا ماكين
مش فارقة كتير معانا
إحنا الغلبانين.
ناس بتقول أوباما الواد الأسمرانى
كأنه العندليب قايم يغنى تانى
والغنوة المرة مرة
لا عشانك أو عشانى
علشان واحد هناك اسمه الأمريكانى.
وناس بتقول ماكين
أبو كلمة وضحكتين
أمريكى أبوه وجده
ودمه إسرائيلى
ويمكن يكون كمان
قريب إسحاق رابين.
مين.. مين.. مين؟
أوباما ولا ماكين
مش فارقة كتير معانا
إحنا الغلبانين.
فلاح سألته وقولتله
أوباما ولا ماكين
ضربنى ضرب بجزمته
وقالى غور يا لعين
ماحدش بيزرع زرعته
فى مصر غير المصريين.
عمال بُساط على قد حالهم
سألتهم.. قالولى مالنا إحنا ومالهم
يجى أوباما
يجى ماكين
مش فارقة واكسة من واكستين.
القاضى والمدرس
الصحفى والمهندس
وكل فئات الشعب
كان ليهم نفس الرد
لينا أرض وليهم أرض
وإزاى فى يوم يتقابل
الشرق ويا الغرب.
لو حد فارقة معاه
يبعت ويقولى أه
ويقولى هو مين
أوباما ولا ماكين
وليه اختاره ليه؟
جايز نفهم فى يوم
إحنا الغلبانين.
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة