فيسبوك
واتساب
لا.. قولولى إن الكلام كله غلط
ولدك يا بلدي
اللى أتغدر بيه
على الحدود
ده كان ولد
طب هو تاره
عند مين
تار الولد
و لا وجوده
على الحدود
دة كان غلط
و لا دموعه
على الخدود
و دموع ولاده
فى البلد
أكبر غلط
طب هو من أمتي
وليدك اللى راح
ساب البلد
كلمة شهيد
استكتروها على الولد
و الله اتنسيت
و الحق راح
أصبحت ذكري
و الدم باح
و الذكرى بتزعل
كبارك يا بلد
راح الولد
كل الولاد المخلصين
متسلسلين
كل اللى بيحبك
يا بلد
أصبح حزين
يعنى الكلام
اللى بقوله
ده غلط
و التار هناخده
و مهما مرت السنين
الحرب جاية
بس اللى مش عارفة
هيه هتبقي
مين و ضد مين
الصح عندك
بات حزين
و لا السكوت
هوه الأدب
لحد أمتي
مجروحين
ومتهانين
زى الوليد الى راح
و هو دلوقت شهيد
ايوه شهيد
وربنا عنده السبب
