لما تبقى يوم جريح *** انس جرحك تستريح
لما تملى الكون أمانى *** وده بكل شىء يطيح
لما تبقى النجمة ضلمة*** والقمر يضيع فى ريح
لما تبقى الطيبة سُبة *** والنفاق مبدأ صريح
لما أحسك جنة حية *** قلبى ليها بيستريح
لما تكتم كلمة حلوة *** اللسان مشلول طريح
لما أغنى أحلى غنوة *** والكلام يطلع جريح
لما قلبى يظل يرجف ***وإنت تتكلم فصيح
لما غزة تبقى عزة *** وده فبلدى يستبيح
لما يهرب منى دمى *** ودم أمى هناك يسيح
يبقى كل شىء يضيع
يبقى كل شىء وضيع
لما أصرخ من الحنايا *** وقلبى جوايا صريع
لما أمشى عالسحاب *** يقولى لأ فى القطيع
لما أشكى لنيلى همى *** يجمد فى عز الربيع
لما أبص فى وش بلدى *** اتكسف ودمعى يضيع
لما أمسح دم وشه *** واكتشف أنه رضيع
وإرهابى يبقى اسمى *** وأنا أصلى من تل الربيع*
والتخاذل والتنازل والحمامة *** فى استكانة شعار فظيع
لما تعجز الحضارة *** والحجارة تستطيع
لما أدير وشى عنهم
يسألونى هما مالهم؟!ا
ويقولى سيبهم فى حالهم
ده بيرقص وده يبيع
يبقى كل شىء يضيع
يبقى كل شىء وضيع
يبقى كل حرف فى *** كلمة (حقيقتنا) مريع
ويبقي......
لما تبقى يوم جريح *** انس جرحك تستريح
*تل الربيع :هى مدينة فلسطينية على شاطئ المتوسط كانت تسمى هكذا قبل قيام الصهاينة بتغيرها وهى الآن عاصمة الكيان الصهيونى المسماة ( تل أبيب)
مشاركة
اضف تعليقاً واقرأ تعليقات القراء
مشاركة
