محمد عبدالقادر - 30 سنة - مندوب بأحد البنوك
أنا مش بحب المصايف أصلا، بس بنصح الناس اللى هايطلعوا السنادى إنهم يخلوا بالهم ويستعملوا الأدوات الشخصية ويبعدوا عن الزحمة والتجمعات، علشان الفيروسات، خصوصاً أنفلوانزا الخنازير، لأن «الوقاية خير من العلاج».
هشام صالح - 38 سنة - صاحب شركة كمبيوتر
طبعا هاروح المصيف، لأن مالهوش علاقة بالأسعار أو بأنفلوانزا الخنازير، غير أن الأمراض فى كل كمان، لكن المصيف لازم للأولاد على الأقل.. ترفيه وتغيير جو.
سامى إبراهيم - 48 سنة - موظف بالبنك الوطنى
المرض فى كل مكان، مش فى المصيف بس، يعنى معرضين للإصابة بيه فى أى حته، مش فى المصيف بس، علشان كده مش فارقة معايا.. هاتوكل على الله وأروح أصيف وأهرب من الزحمة والدوشة.. وربنا هايسلمها.
سلامة عبدالدايم - 31 سنة - موظف بشركة تأمين
المصيف مش ضرورة ولا فرض زى الحج والعمرة اللى بحثوا تأجيلهما علشان المرض، يبقى الأولى تأجيله لحد ما المرض ينتهى، ويبقى أمان، غير كده يبقى انتحار.
تم أضافة تعليقك سوف يظهر بعد المراجعة