أنا اسمى فلان خلصت دراسة وقاعد عطلان
عارفين أنا دارس إيه !! أنا دارس نانو تكنولوجى كمان
واخويا اتعلم عارفين إيه!! رياضة وبحتة ترابيزتة وجانبى عالقهوة يامان
وسميحة ولبنى حاسيبات وبرامج من كتر فراغهم قاعدين عاشات
ومعارف ياما ونكلم ناس الشغل الفاضى.. فى السيل يابنات!!
وبقيت اسألهم خريج إيه؟؟ هندسة العاشر ودة طب أكتوبر
وانا جاى من طنطا فى علوم الذرة أدينى قاعد حريف فالطاولة!!
وادى ياسر فاكر بلغاتة الحية.. عايزينه يعلم أولادنا بسرعة!!
عارفين يا جماعة ما بلاش تعليم !!ولا جامعة طنطا
ولا ندى دروس بلا هلك فلوس!! تيجى نفتح قهوه؟!!
وكروت محمول ودى صفقة فول ماهى عيشة أونطة
سمسار شغال والمكسب عال والجيب عمران
زى المنشار واكل مالبايع والشارى كمان!!
وتعالو ا نشوف وكمان نحسبها بالزمة يا خلق
عايزين نتقدم؟!!...ها..هأو.. ولا نخلينا على قهوة وشيشة وفباب الخلق
عارفين مين فينا بيفكر ومشغل مخة ؟؟ دئدء وحناطة
على ناصية وقهوة بايع للعلما
خريجى الجامعة حباية وزرقة اوشمة كولة!!
يا ناس كان ليه من أصله بتجيب كراس؟!!
ما الرزق يا ناس لا هو عايز علم ولا عايز فاس!!
بلا هم يا راجل ولا علم ف جامعة
مازويل مشهور وكمان شعبولا!!
صدرنا عقول
وعشان المم بعقولنا عجول!!
وكام مركب قمح متخلط فول!!
سلامات يا عقول!!
سلامات للباز!!
سلامات يا بلادى!!
فاليحيا القمح وليحيا الفول!!.
مشاركة
اضف تعليقاً واقرأ تعليقات القراء
مشاركة
