لو ضاقت يوم الدنيا عليك
أو همك زاد من حواليك
والدمع اتعرف على رمش عينيك
استنى متلومش حياتك
اصبر ولا تطلبش مماتك
دور على عالم يحميك
دور على دنيا تدفيك
دور على قلب يعيش ليك
شوف بكره وكأنه صديقك
جايلك علشان يمسك إيدك
ويفرح دمعك وعينيك
إيه أجمل من حد يحسك
من صمتك يفهم ويصارحك
وبكلمة يرجع أحلامك
وينسيك تعبك وآلامك
يتمنى يعيش جوا عينيك
ياخدك بحنينه لأفراحك
وتودع بيه كل جراحك
عايش علشان يحلم بيك
إيه أجمل من ده يخليك
تعشق لحظات لياليك
وتنسى تعب كل ماضيك
وتشوف الفضا كله مكانك
وتجرى تحقق أمانيك
لوحة للفنان جورج سورا
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة