مهندس عبد الرحمن فهمى يكتب: سيدى يا طه

سيدى يا طه ياكل حبى
أنوار هدايتك دى مليا قلبى
وواخدة إيدى لجل نعدى
تعبان كتير من ذنب فعلى
ندمان كتير من كترغيى كمان وعندى
ماتمد إيدك سيدى يا طه والله بحبك
وباصلى دايما عليك ياسيدى
أنا أصلى هايم.. هايم ف حبك
والرحمه فيك طبع الأحبة
بنبعد كتير وبنيجى حبة
ومنا كتير غرقان وضايع
لكن ماترضى لينا الفضايح
حبيبى طه أوعى تسيبنا
إحنا حبايبك حقيق ياسيدنا
ماسكين ف توبك عشان نعدى
لاجئين بحبك تشفع وتدى
الرحمة اسمك
وشفاعة منك
ممكن يا طه تأذن أزورك
وأملى روحى من عطر نورك
وعينى تشبع
ونفسى تهجع
وتكون شهادة لى وتشفع
اشهدت ربى أنى أحبك
فحب ربى مرهون بحبك
ائذن يا طه أنى أزورك
وأبوس ترابك
من تحت بابك
وتكون نهايتى ف بقيع بلادك
وصلى ربى بعد السلام
على سيدى طه خير الأنام