فيسبوك
واتساب
يا عم أولمرت أمانة
ربينا ناقصين رباية
الوعد منك حديث
حرف فـ وعيدك بآية
المهدى أنت لـ نجوعنا
وصلنا بر السلامة
انشر دروسك علينا
آخر قيام القيامة
ورينا كيف الوضو
نورنا كيف الصلاية
توبنا تكسب ثواب
الله يزيدك نعيمو
اعمل نتيجة جديدة
وحدد إمتى نصيمو
والقبلة فين فـ واشنطن
وزيد فى زمزم حلاية
كترت ذنوبنا يا عمو
فهمنا إزاى نتوب
بلا غزه بلا بزرميط
بلا أقصى وسبع حروب
فهمنا كام ألف برميل
بترول يزيلوا الخطايا
مولد لجزمة جنابك
واتنين عشان القنابل
من عهد طيبة ما شفنا
زيك ولا عهد بابل
على كل ناصية هنعمل
مقام باسمك هداية
تزعلشى أبدا يا أونكل
لو حد سمى جمال
متاخدشى أبدا علينا
لو رحنا جينا عيال
غلطان ومش ولد أبوه
اللى يقولك كفاية
وحم الحريم فـ بلدنا
كل العيال يشبهوك
ولو تعذر سامحنا
ييجوا فملامح أبوك
كل الدكوره هتحمل
لو أنت تبقالنا داية
