فتحى الصومعى يكتب: انتخبونى يرحمكم الله

بـَ اخطب وِد العاقل فيكم والمجنون
بـَ اخطب وِد بتوع الخيش بتوع المِعزا
وتاجر عمله وتاجر جمله
فى الهروين وفى الأفيون
واللى يغالط فـَ أول قسط وآخر قسط
وفى العربون
أنا محتاج للناس الأُصَلا
الناس السفله الناس الدون

كل مشاكل الدايره مؤكد
بُكره بإذنى تكون محلوله
اللى الشرطه تطلب منه سلاح يتسلم
أنا ابيعهوله
واللى يبات فى القسم تحرّى
يبات مطمن
هَسْهر عند مراته أجاملها
لازم أواسيها الليل بطوله


بعد ما هنجح
هشغل كل الدنيا يوميها بِاللى هيجرى
مش هتلاقوا
بين الست وجوزها مشاجره
هـَزْرع مِيت فدان فياجرا
فـَ انتخبونى راح تعوزونى
لو هتأخر لو فـِنْصاص الليل هتجونى
أنا متأكد مش راح تبقوا دكوره بدونى