اه حياتنا عاملة زى صحبة ورد ملونة
فيها اللى يسعد زى ألوان التفاؤل مبهرة
وفيها البنفسج الحزينى وفيها أصفر للغار
وفيها أبيض زى لون التلج زى الحليب بدء النهار
وفيها أحمريكا للحبايب كبروا كانوا أو صغار
فيها أخضر لون إيماناً بالكتاب أصله هوه لون العمار
فيها مسلم فيها قبطى أو يهودى وفيها جنة وفيها نار
فيها طالب فيها عالم فيها زارع للفواكه والخضار
فيها بنوتة جميلة
والشقاوة والولاد فيها زى ليل من بعده نهار
فيها عاقل فيها فاكر أنه عاقل
أصل من كتر ألوانه.. عقله منه راح و طار
فيها ذكر وفيها شكر
وفيها هوسة فيها زيطة وفيها زار
فيها جوع فيها اللى يشبع وجانبه
حرمان وجوع وده عند جار
فيها حظ وفيها نحس
وفيها دايما حالات ما لاختبار
فيها ماشى بس راضى
وفيها راكب بس قانط وفيها واحد فنتظار
هى صحبة ورد ممكن تشوفها مبهرة
وملونة ومدندشة زى النهار
وممكن تشوفها من غير عبير
بهتانة اللون زى دبلان الخضار
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة