مش كل دمعة بتبقى من قولة آه
ولا كل ضحكة بتبقى لاجل فرح شوفناه
وكتير بتطلع دمعة طايرة من الفرح
وكأنها مالكة الحياة
وكتير بنضحك والسبب
يمكن لقلب جرحناه
جرب تفارق وحدتك
تهرب وتنسى شدتك
تبعد عن ضلمت خلوتك
تقسى وتدوس على محنتك
جرب ودوق أحلى فراق
لما تذكر ربنا
تغلب شيطان نزوتك
تهجر معاصى زلتك
وتعيش راضى بقسمتك
يالا توب عن فعلتك
وحس أيه طعم الفراق
ارسم وخطط خطوتك
افرح وعيش دنيتك
خلى الحماس يملى سكتك
ماتسبش يأسك يملى لحظتك
ولا هم يملك بسمتك
ابعد عن الهم وفارقه
أحضن الفرح وصارحه
انسى أيامك الحزينة
وارسم بجهدك الدنيا الجميلة
فارق الدنيا الكئيبة
ودوق طعم أحلى فراق
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة