مى المهندس تكتب: فين الهوية؟!

تاريخ طويل اتحكى
وجيل ورا جيل اشتكى
أتعلمنا نرسم...... نكتب ......نحلم ...... نثور
وشعر عدونا بالخطر وخاف لنصبح نسور
وفجأة
تاهت منا الحروف ...... والتاريخ المعروف
ضاع منا الكلام ......... وتعلمنا الصيام
مشينا فى الطريق لا عارفين مين الصديق
ولا عارفين مين إحنا
وسألنا ليه غابت منا ملامحنا؟!
أتارى ماما أمريكا حبت تريحنا
فغيرت التاريخ وبدلت الحروف وقالت ده إحنا
تعبنا ماما أمريكا أوى
من أفغانستان .... للبنان..... لفلسطين..... لسورية
بدور لنا يا عينى ع الديمقراطية
أصلها فى الأرض رسول للحرية
وظهر بابا بوش ورسم لنا يا عينى الشرق أوسطية
وقال لنا يا ولادى
هى دى الهوية
الشرق أوسطية مفتاح العولمية
علشان تكون بلدنا دايما تقدمية
وآه ما إحنا الضحية
ضيعوا منا الهوية!